損益表
財務報表嘅一種
損益表係財務報表嘅一種，用嚟報告一間企業或機構喺特定會計期間嘅財務業績。
目的
編輯損益表總結一間企業或機構喺特定會計期間點樣通過營運同非營運活動產生收入同支出，等讀者可以透過損益表嚟瞭解同評估嗰間企業或機構嘅財務業績。損益表重會顯示喺特定會計期間發生嘅淨利潤或虧損，等讀者可以好快咁知道嗰間企業或機構嘅盈虧狀況。
組成
編輯損益表分為兩部分：經營同非經營，亦可以分為收入同支出。損益表嘅經營部分披露由正常業務營運直接導致嘅收入同和支出嘅信息。支出包括成本（例如銷售成本）、行政及管理費用、行銷費用、研發費用，或者任何重大嘅費用類別。非經營部份披露同公司常規業務冇直接關係嘅活動嘅收入同支出信息，因為係非經營嘅性質，金額通常都唔會好大。上面兩類嘅收入，減去支出，得出稅前利潤，再減除所得稅支出，就會得出特定會計期間嘅期間利潤。如果收入少過支出，就表示嗰間企業或機構有虧損，亦即係蝕本。
比例分析
編輯利用損益表上嘅資料，加埋其他財務報表，讀者可以做比例分析，嚟評估同比較唔同企業嘅表現。以下係部分常用嘅比例分析。
睇埋
編輯 |