撒母耳記上

(由撒慕爾紀上跳轉過嚟)

撒母耳記上》係《舊約聖經》嘅歷史書,天主教譯做《撒慕爾紀上》,原本同撒母耳記下係同一卷書,喺翻譯成希臘文嗰陣先分成上下。作者有聖經所記載嘅先知撒母耳、迦得、拿單。

簡介 編輯

作者:撒母耳(1-24章),拿單同迦得(25-31章)
日期:公元前1000年
地點:拉瑪

撒母耳記上記述以色列由士師時代轉變到君主政體時代嘅歷史。以色列國政體嘅大轉變以三人為中心,撒母耳─最後嘅士師,掃羅─以色列第一個國王,大衛─佢做王以前嘅早期活動同埋撒母耳同掃羅嘅事蹟敘述。

呢卷書主題同舊約其他歷史書相同,強調對上帝忠誠一定成功,違背上帝嘅命令一定會遭殃。呢點喺上帝畀以利嘅信息清楚指出。

呢卷書敘述以色列人民對建立王國一事嘅複雜情緒。耶和華係以色列實際君王,不過為咗滿足人民嘅願望,耶和華為佢哋選立一位君王。重要嘅一點就係國王同人民都受上帝嘅統治同審判。喺上帝嘅律法之下,所有人民,唔分貧窮,都受同等嘅待遇。

提要 編輯

  1. 撒母耳做以色列嘅由士師(1章1節-7章17節)
  2. 掃羅做王(8章1節-10章27節)
  3. 掃羅統治嘅初期(11章1節-15章35節)
  4. 大衛同掃羅(16章1節-30章31節)
  5. 掃羅同佢嘅眾子之死(31章1-13節)