撒母耳記下
(由撒慕爾紀下跳轉過嚟)
《撒母耳記下》係《舊約聖經》嘅歷史書，天主教譯做《撒慕爾紀下》，原本同撒母耳記上係同一卷書，喺翻譯成希臘文嗰陣先分成上下。主要記錄以色列王國第二位國王大衛執政其間嘅歷史。
簡介
編輯作者：拿單同迦得
日期：公元前970年
地點：耶路撒冷
呢卷書係撒母耳記上嘅續篇，記述大衛做王嘅歷史，由佢統治南方嘅猶大開始（第1-4章），到佢統治全國，包括北方嘅以色列（第5-24章）。書裏面詳細描述大衛為擴展自己嘅王國，鞏固佢嘅地位，同國內嘅敵人同四圍嘅外敵爭戰。大衛係一個信心充足、敬畏上帝嘅人，佢亦贏得人民嘅擁戴。不過為咗滿足自己嘅慾望同雄心，佢有時亦顯露殘酷嘅性格，犯嚴重嘅罪過。不過當耶和華嘅祭司拿單指出佢嘅過錯嘅時候，佢承認自己嘅罪，誠心接受上帝嘅懲罰。
大衛嘅生平同佢嘅輝煌嘅成就畀以色列人留下深刻嘅印象。因此，喺後世，每當國家遭遇災難，人民渴望良好君王來救佢哋嘅時候，佢哋都期望由大衛嘅子孫中有好似大衛噉樣嘅領袖出現。
提要
編輯- 大衛統治猶大（1章1節-4章12節）
- 大衛統治全以色列（5章1節-24章25節）
- 初期嘅歷史（5章1節-10章19節）
- 大衛同拔示巴（11章1節-12章25節）
- 患難交加（12章26節-20章26節）
- 後期嘅歷史（21章1節-24章25節）