撒網嘅比喻

撒網嘅比喻係耶穌講嘅一個比喻，記載喺《新約聖經》《馬太福音》第13章第47至50節。

聖經譯文

「	天國又好比網撒入海度，捕捉各種魚類，網一滿，漁夫就將佢拉上岸，坐喺岸上，將魚分類，將好嘅揀出嚟放入桶度，唔好嘅就揼咗佢。世代嘅終結亦要噉樣：天使要出嚟，將惡人同義人分別出嚟，揼入火爐度，喺嗰度要喊，咬牙切齒。	」
——《馬太福音》13章47-50節

解釋

撒網嘅比喻同田稗嘅比喻互有關係，都係將好嘅嘢同壞嘅嘢分別出嚟。漁夫喺海裏面捕捉到各種魚類，就坐喺岸上，將好嘅魚同壞嘅魚分別出嚟。耶穌用呢個比喻嚟形容末世要發生嘅事，指出雖然而家嘅世代義人同惡人混埋喺一齊，不過當世代終結嘅時候，就會差派天使將義人同惡人好似好魚同壞魚噉樣分別出嚟。