政教分離係指將宗教權力同國家政府嘅統治權力分開，政治決定唔會畀宗教勢力影響，保障各種宗教嘅宗教自由。當今世上多數國都係政教分離。
日本嘅政教分離係指二戰之後，日本作為戰敗國，喺美國管理之下，立咗和平憲法，強制將政治同宗教信仰分離嘅做法。喺《日本憲法》嘅第20條第1款裏面規定咗任何宗教組織都唔可以接受國家特權，亦唔可以行使任何政治權力；而第3款又規定國家同埋國家下面嘅機關唔可以提供宗教教育或者任何形式嘅宗教活動。
