數學哲學係哲學嘅一個分支，研究數學入面嘅哲學問題。從畢達哥拉斯到康德嘅好多思想家都有好多數學哲學嘅重要思想，但去到19世紀中之後數學哲學至逐漸成為專門學科。佢主要研究：
- 數學嘅對象、性質、特點、地位同作用；
- 數學新分支、新課題入面嘅重要概念嘅哲學意義；
- 著名數學家同數學流派嘅數學、哲學思想；
- 數學方法同數學基基礎等問題。
現代數學哲學嘅研究内容包括：
- 數學基礎嘅研究，形成羅素嘅邏輯主義、布勞威爾嘅直覺主義同希爾伯特嘅形式主義等流派；
- 數學悖論嘅研究，探討悖論嘅排除同徹底解決嘅可能性；
- 數學本體論嘅研究，探討數學嘅研究對象係唔係客觀、真實嘅存在；
- 數學真理性嘅研究等。
