互動式小說

互動式小說（粵拼：wu6 dung6 sik1 siu2 syut3；英文：interactive fiction）結合咗電子遊戲同文學，某程度上係冒險遊戲嘅一種，特色係遊戲當中冇地圖（又或者係地圖頂櫳扮演次要角色），而係以文字為主：隻遊戲會輸出文字，講一個故仔，並且會為玩家提供用文字描述嘅選項（例：「個故仔發展到呢度，主角要面臨噉樣噉樣嘅決擇，你會揀邊個選項？」），而個故仔嘅發展會根據玩家選項而有所不同。選擇點嘅數量決定隻遊戲似一隻遊戲多啲似一本小說多啲：互動式小說有啲有大量嘅選擇點，有啲成本小說得兩三個選擇點，前者似一隻遊戲，後者就似一本小說多啲。出名嘅互動式小說有巨洞冒險（Colossal Cave Adventure）^[1]。