文定王后

文定王后尹氏（諺文：문정왕후 윤씨，1501年四月初六—1565年十二月廿二）係韓國李氏朝鮮嘅王妃兼政治人，第11代君主中宗嘅第三繼妃同第14代王明宗嘅母后。第7代君主朝鮮世祖妃貞熙王后尹氏嘅從曾孫^[1]。1545年到1563年做李氏朝鮮攝政。諡號聖烈仁明文定王后（성렬인명문정왕후）。

佢係尹之任同全城府夫人嘅大女，喺中宗嘅第二繼妃章敬王后尹氏死後入宮，1517年成為王后，同年明朝冊封。佢生咗一個仔（1534年出世嘅慶原大君，即係後來嘅明宗）同四個女。1544年中宗死，仁宗^[2]即位，佢做咗大妃。1545年仁宗死，明宗即位，佢成為大王大妃，1563年之前佢係明宗嘅攝政。