文冲
(由文沖跳轉過嚟)
文冲（粵拼：man4 cung1）係中國廣東廣州嘅村名，南邊對珠江；北邊靠住大田山同蠏山，烏涌同文冲河經呢條村。而家屬黃埔區文冲街道文冲行政村。
史
編輯宋朝經已開村，當其時有姓簡、陳、顏、黃、伍嘅人住，簡氏係文冲西坊村主，陳氏係文冲東坊村主。陸慕全由從化錢崗南渡去番禺鹿步司文園禾坑尾定居，陸氏人口增多，明洪武年間，陸觀源由崗頭園搬去烏涌邊住，由於喺烏涌河流域，所以叫烏涌村。喺明朝弘治年間，陸氏喺烏涌同崗頭園嘅族人多，後尾就將崗頭園改口叫文園，烏涌改成文冲[1]。亦有傳大清乾隆年間，由於村附近一帶有好多海盜殺到，甚至搶嘢都有，後嚟有人將件事告到衙門而派錦衣衛去捉人。村民同代表費事俾錦衣衛亂咁喺村入面捉人，漏夜開會決定叫石工將古更樓門頂嘅「烏涌」改成「文冲」避過巡查[2]。
明清時期，屬番禺縣鹿步司橫沙堡，民國屬番禺縣第五區。1952年劃入廣州市，屬過黃埔區、廣州郊區、黃埔人民公社。1987 年3月，黃埔區大沙鎮成立，文冲歸大沙鎮管。2002年8月，黃埔區撤鎮建街，屬文冲街道文冲行政村[1]。2010年6月30號開始，萬科地產廣州分部改造呢條村[3]。
人口
編輯截至2015年，文冲村有戶籍人口7526人（男3727、女3799），流動人口23245人。港澳籍135人，華人華僑48人。戶籍村民係漢族，屬廣府民系。文冲世居村民姓陸、陳、簡，跟住係喺廻龍市、渡頭街落腳嘅郭、蘇、符、李、葉呢幾十戶人。簡氏同陳氏喺宋朝慶曆年間由華阬同馬武搬來烏涌住，係早期村主。宋朝紹定年間，陸慕全由從化錢崗南遷入番禺鹿步司禾坑尾，到第五世陸觀源搬去烏涌邊（而家文冲西約）住之後分居文冲東頭陳住，收尾成咗文冲第一大姓[1]。
民俗
編輯文冲嘅傳統民俗，有醒獅[4]、扒龍船[5]同七夕擺七娘[6]。
神廟
編輯| 名 | 別稱 | 位 | 始建年份 | 重修年份 |
|---|---|---|---|---|
| 玉虛宮 | 大廟 | 文冲墟地街40號 | 明清 | 近年 |
宗祠
編輯| 名 | 堂號 | 位 | 始建年份 | 重修年份 |
|---|---|---|---|---|
| 陸氏大宗祠 | 昌後堂 | 西坊南大街2號 | 1672 | 1821、2000 |
| 達松陸公祠 | ||||
| 東溪陸公祠 | ||||
| 觀德陸公祠 | 福蔭堂 | |||
| 衢野陸公祠 | ||||
| 文炳陸公祠 | ||||
| 廷亨陸公祠 | 懷德堂 | |||
| 蘭泉陸公祠 | ||||
| 綬亭陸公祠 | ||||
| 輝岳陸公祠 | 西坊大街10號 | |||
| 文鳳陸公祠 | 西坊南大街6號 | |||
| 仕傑陸公祠 | 西坊大街24號 | |||
| 翰章家塾 | ||||
| 三錫家塾 | ||||
| 鶴浦家塾 | ||||
| 沖彝家塾 | ||||
| 傅亨家塾 | ||||
| 權英家塾 | ||||
| 爾顯家塾 | ||||
| 永耀家塾 | 東埠大街19號 | |||
| 榮顯家塾 | 西坊南大街42號 |
攷
編輯- ↑ 1.0 1.1 1.2 廣州市黃埔區檔案局（館） (2017)。〈文冲村〉. 《廣東省自然村落歷史人文調查·廣州市黃埔區卷》。頁 65-67。
- ↑ 〈文冲印象：大變前的文冲村〉。房王網。
{{cite web}}: CS1 maint: url-status (link) - ↑ 〈800年文冲村全面動工改造(圖)〉。搜狐。2015-08-21。
- ↑ 〈嶺南舞龍獸 舞出古文明〉。新浪。2006-02-08。
- ↑ 〈廣州市文冲村村民在進行龍舟"採青"儀式〉。人民網。2010-06-15。原著喺2020-03-27歸檔。喺2016-07-10搵到。
- ↑ 〈民間藝人李光華和七夕公仔〉。廣州文史。原著喺2020年3月27號歸檔。喺2016年7月10號搵到。