新大新百貨

 新大新百貨（粵拼：san1 daai6 san1 baak3 fo3） 係中國廣東省廣州市嘅一間百貨公司，喺1917年成立，有四間分舖，總舖喺越秀區中山五路同北京路嘅交界西北角。而家係廣百集團屬下嘅百貨。呢間百貨係廣州第一間國營百貨零售企業。

新大新嘅中山五路總店

歷史

• 1914年，澳洲華僑蔡興同蔡昌喺惠愛街（今日嘅中山五路）同雙門底（今日嘅北京路北邊，財廳附近）嘅十字街口起咗間「城內大新公司」。
• 1918年，再喺西堤搞咗間「城外大新公司」（今日嘅南方大廈）。而大新既係「大展新猷」噉解，又係英文名「The Sun」嘅粵語諧音。
• 中華人民共和國成立之後，大新公司房產俾政府充咗公，1951年6月改名做「廣州市百貨公司第五門市部」，之後將5層樓嘅大樓拆咗，起成而家16層樓高嘅大廈。
• 1989年：改名做「新大新」。
• 2009年9月24號，廣百股份用CNY￥1.84億收購咗新大新公司99%嘅股權。但廣百嗰時話繼續保留「新大新」嘅名做錯位經營，但北京路總店嘅新大新公司個名改成「新大新百貨」，而商標重用緊「新大新」嘅名。

分店

• 北京店：越秀區中山五路4號。
• 東山店：越秀區先烈中路63號，東山廣場裙樓1-4樓。
• 荔灣店：荔灣區荔灣路100號。
• 番禺店：番禺區大北路易發商業中心1-3樓。
• 三水店：佛山市三水區西南街道張邊路9號。

出面網頁

• 广州市新大新有限公司网站