新濠天地
呢篇文側重咗喺部分見解、事件或爭議。 |
新濠天地（英文：City of Dreams）係個位於澳門路氹城嘅建築群，其中設施包括賭場（新濠天地娛樂場（英文：Casino City of Dreams）、酒店（摩珀斯、頤居、澳門君悅酒店及迎尚酒店）及其他（水舞間劇院、童夢天地、濠方及藝賞天地）。
濕滯嘢 編輯
响2015年1月20號朝早，有個29歲姓羅嘅澳門男工人，喺新濠天地擴建工程地盤2樓，揸緊架吊臂車搬嘢時翻側，一齊跌落地面；[1]工人被車壓到，當場爆頭暴斃。[2]勞工事務局勒令承造商暫時停用所有吊重機械。[3]
响2017年7月14號晏晝，喺新濠天地D點地盤，有隻喺30樓嘅吊臂，運緊重嘢時斷咗，斷件連同負載一齊向下跌，傷到3個大陸男工人——全部被送入廠。吊臂隨即砸住2個位於30樓嘅——1個32歲姓嚴，雙腳多處開放性骨折，喺醫院搶救緊時斷氣；1個42歲，左腰同頭受傷。[4]另外有個46歲嘅當時喺7樓，俾碎料揼到，左手同左膊頭都覺得痛。隨後勞工事務局勒令該處暫時全場停工。[5]
响2018年3月18號晏晝，喺新濠天地酒店D地盤，[6]有個32歲姓劉嘅大陸女工人，企喺5樓嘅假天花上面做嘢時，[7]由於立足處穿窿，下墜到大約7米之下嘅地板並撼傷後腦。[8]佢被送入醫院搶救，起初無生命跡象，[9]然後有起色，不過到夜晚時終於斷咗氣。[10]勞工事務局發現死者係黑工，又勒令該處5樓暫停所有高空工作。[11]
响2018年3月25號晏晝，有個29歲嘅大陸人某餐廳男員工，喺新濠天地之露天區域，俾碌由高處跌落嚟嘅竹揼親，要去醫院。[12]
响2019年1月19號晏晝，有架接載新濠天地員工嘅澳巴租用專車，行到黃營均圖書館附近時出咗意外。當時司機急速煞掣，令到車上面1男7女總共8個，年齡為34—65嘅乘客，跌親撞傷，要去醫院。[13]
响2019年8月3號夜晚，有個70歲姓鄺嘅香港人男住客，俾員工發現倒斃於摩珀斯某房間裏面，洗手間嘅浴缸之中。[14]
响2020年9月7號，看更發現，有個30歲嘅澳門人賭廳男職員，喺迎尚酒店裏頭，寶盈集團之賭廳內嘅廁所道不省人事，被帶到醫院搶救，證實已死。[15]
响2022年3月18號晏晝，有個44歲姓伊嘅大陸人女租客，喺摩珀斯俾執房職員發現，伏屍於房內浴室入面，當時佢條頸被浴袍腰帶吊住。[16]
考 編輯
- ↑ 〈澳門消息：新濠天地盤翻吊臂車 工人頭爆死亡〉. 《on.cc東網》 (香港中文). 2015-01-20. 喺2022-05-18搵到.
- ↑ 〈新濠天地擴建地盤工人跌死〉. 《太陽報》 (香港中文). 喺2022-05-19搵到.
- ↑ 〈新濠天地擴建地盤 工人遭吊臂車壓爆頭 - 東方日報〉. orientaldaily.on.cc. 喺2022-05-19搵到.
- ↑ 〈一連三日奪命工業意外吊臂 折墮 一死兩傷 - 正報新聞〉. www.chengpou.com.mo. 喺2022-05-18搵到.
- ↑ 〈勞工局今起巡查全澳工地 - 正報新聞〉. www.chengpou.com.mo. 喺2022-05-19搵到.
- ↑ 〈達昌建築工程有限公司〉. www.tatcheong.com. 喺2022-05-20搵到.
- ↑ https://www.dsal.gov.mo/dsso/download/pdf/newsletter/newspaper10.pdf
- ↑ 力報. 〈新濠天地地盤工業意外 女外勞疑高處墮下重傷〉. 《力報》. 喺2022-05-18搵到.
- ↑ 力報. 〈氹仔酒店地盤女外僱高處墮下 延至凌晨不治〉. 《力報》. 喺2022-05-18搵到.
- ↑ 力報. 〈女工七米高墮地後腦重創 一度「斃命」再甦醒 奇蹟！〉. 《力報》. 喺2022-05-18搵到.
- ↑ 力報. 〈氹仔酒店地盤高處墜下女子身亡 死者乃黑工 勞工局追查〉. 《力報》. 喺2022-05-18搵到.
- ↑ 〈新濠天地一男子 遭天降竹枝擊中受傷 | 濠江日報〉. 《今日時事 | CyberCTM澳門No.1人氣社區》. 喺2022-05-18搵到.
{{cite web}}: CS1 maint: url-status (link) - ↑ 〈專車急煞八新濠員工受傷 | 華僑報〉. 《今日時事 | CyberCTM澳門No.1人氣社區》. 喺2022-05-18搵到.
{{cite web}}: CS1 maint: url-status (link) - ↑ Chiu, Clifford (2019-08-03). 〈新濠摩珀斯酒店七旬港客倒斃浴缸 初步沒可疑列屍體發現案〉. Allin News (繁體中文). 喺2022-05-18搵到.
- ↑ Newsdesk (2020-09-07). 〈本地男職員倒斃新濠寶盈賭廳廁內 死因待查〉. Allin News (繁體中文). 喺2022-05-18搵到.
- ↑ Newsdesk (2022-03-18). 〈新濠摩珀斯疑揭自殺案 內地女浴袍腰帶吊頸伏屍廁所初步無可疑〉. Allin News (繁體中文). 喺2022-05-18搵到.
