新福爾摩斯

新福爾摩斯（英文：Sherlock），係一部由英國BBC拍嘅電視連續劇，改編自柯南道爾爵士嘅福爾摩斯偵探小說。呢套劇將原著嘅故事背景從19世紀大英帝國鼎盛時期搬到去21世紀英國繁華熱鬧嘅大都市。

呢套劇嘅編劇係史蒂芬·莫法特同馬克·加蒂斯。福爾摩斯同約翰·華生兩角就分別由班尼狄甘巴貝治同馬田·費曼飾演。繼2009年末播出嘅試播集之後，各90分鐘嘅第一季共三集劇集2010年7月、8月喺英國廣播公司第一台同英國廣播公司高清台播放；第二季嘅三集喺2012年1月播放，同年5月喺美國嘅英國廣播公司美國台同PBS公共電視網頻道播放。第三季2014年1月1號開始喺英國播出，收視率平均達1182萬人次，成為英國自2001年以嚟，收視率最高嘅電視影集。呢部影集已經喺超過200個國家同埋地區播放。