方言札

方言札（粵音：fong1 jin4 zaat3）係ー種用嚟糟質同埋羞辱人嘅牌，通常係喺一啲要廢除方言（包埋同標準語唔一樣嘅語言）、強制推行標準語嘅地方嗰度用到，講方言嘅人會畀第啲人夾硬將呢塊牌掛喺條頸度。呢種手段喺好多國家「推普」嗰陣都有用過，譬如英國對講威爾斯文嘅人、法國對講奧克文同布列塔尼文嘅人、日本對講琉球文嘅人^[1]、台灣對講閩南話嘅人^[2]都有做過呢啲陰騭嘢。