旅遊景點

旅遊景點，又叫觀光景點，簡稱景點，係一個旅行嘅名勝地方，可以係自然或者人工嘅景點。有時，特別係如果有傳媒或者明星推介嘅話，一個景點有可能有比平時更加多遊客，就會成為熱點，例如金紫荊廣場或者以前嘅布吉島。

種類

美國嘅大峽谷係其中最出名嘅自然景點之一

自然景點係一啲大家公認為好罕有或者好靚嘅自然地方，例如海灘、森林、同沙漠等等，而佢哋一般都會係屬於一個國家公園。

雅典好出名嘅巴特農神殿係屬於文化景點

有唔少景點都係因為文化嘅緣故，通常都係有歷史性嘅地方。呢啲景點包括博物館、大廈、碑、堡壘、同埋主題公園等等。

UNESCO出版嘅世界遺產入面，基本上全部都成為咗旅遊景點。

對遊客嚟講，旅行嘅成個過程通常都係好重要，唔單只係啲景點^[1]。例如，佢哋會好希望能夠試到一個地方嘅飲食，甚至餐廳自己可以成為景點^[2]。

有好多地方嘅政府，會花好多錢而做宣傳，希望有多啲遊客嚟消費，發展當地嘅旅遊業^[3]^[4]^[5]。

當一個地方有太多遊客嘅時候，可以對個自然環境造成傷害，特別係對於自然景點。如果係咁嘅話，唔同嘅組織就會鼓勵遊客去其他地方，嚟避免一個景點因為遊客嘅關係而受到損害^[6]^[7]^[8]^[9]。

↑ "What most attracts us to a tourist destination? Attractions, culture and gastronomy". ScienceDaily. Barcelona: Pompeu Fabra University. April 8, 2019.
↑ See: Françoise Hauser "Reisen: Singapurs Streetfood ist Weltkulturerbe zum Essen" In: Die Welt, 25.01.2021.
↑ Burkhard Schnepel, Felix Girke, Eva-Maria Knoll: Kultur all inclusive. Identität, Tradition und Kulturerbe im Zeitalter des Massentourismus. (2013)
↑ Steven Pike, "Destination Marketing Essentials", Oxford, (2016).
↑ Rolf Hochreiter/Ulrich Arndt, Die Tourismusindustrie: Eine Markt- und Wettbewerbsanalayse, (1978), p. 111.
↑ Ellis-Petersen, Hannah (October 3, 2018). "Thailand bay made famous by The Beach closed indefinitely". The Guardian. Bangkok.
↑ Urban, Thomas (March 13, 2018). "Barcelona geht gegen den Massentourismus an" [Barcelona tackles mass tourism]. Süddeutsche Zeitung.
↑ Whitmore, Geoff (November 19, 2019). "5 Destinations Suffering From Overtourism (And Where To Go Instead)". Forbes.
↑ Minihane, Joe (January 22, 2018). "12 destinations travelers might want to avoid in 2018". CNN. 原先內容歸檔喺January 8, 2023. 喺December 21, 2020搵到.