日常推理

日常推理（日文：日常の謎）係推理故仔嘅一個子文類，即係講述解開日常生活中嘅謎團嘅故仔。日常推理大多係出自日本，係當地推理故仔嘅一個流派。

日常推理多為短篇，入面解嘅謎好多時唔係犯罪，甚至冇涉及惡意或者造成損害，頂多都只係犯輕罪，冇命案、屍體等要素，有時仲有幽默元素。當中解開謎題嘅角色好多都唔係偵探、差人或者其他執法人員，而係普通人。由於謎涉及嘅損害輕微，結局可以係溫馨嘅大團圓結局，亦可以喺解謎嘅過程中揭示人性嘅黑暗，而結局係揭露犯人嘅惡意。