日本夜行郵輪

日本夜行郵輪，係指一啲經海路來往日本各城市嘅長途郵輪，通常係傍晚或者凌晨出發，第二日上晝或者中午到達。佢哋嘅設施會同酒店嘅基本設施差唔多，視乎唔同郵輪公司嘅安排，有餐廳、小商店、販賣機、公眾浴場、甚至會有一啲娛樂設施或者表演。但由於佢哋以交通為目的，所以一般嚟講都會比渡假嘅豪華郵輪簡單。休息睡眠方面嘅選擇方面，由好似膠囊酒店咁去到比較豪華同寬躺嘅酒店房都有。

雖然交通上時間比較長，但係由於費用比較相宜，同埋可以喺船上過夜，所以對部分顧客來講都係一種唔錯選擇。