明星志願3
明星志願3係一隻由大宇資訊喺2005年12月推出嘅電腦遊戲，包含模擬、養成、冒險、益智嘅元素。遊戲入面玩家扮演經理人，處於旗下藝人被挖角、老豆心臟病發、公司負債上千萬就嚟倒閉嘅困境，必須發掘培養出具潛質嘅明日之星嚟力挽狂瀾[1]。
特色 編輯
同《明星志願2》／《明星志願2000》嘅玩法唔同，《明星志願3》今次返番去最早期經營經理人公司嘅模式，玩家繼承咗由老豆開設嘅「翱翔天際經紀公司」，要旗下明星安排行程，擔當保姆，接通告，安排訓練等等。除此之外，仲可以安排旗下藝人合組成組合，遊戲入面仲可以跳出台灣，去到世界各地買嘢或者幫藝人接通告[2]。
雖然玩法唔同，但《明星志願3》都仲係同上一集嘅故仔有一定嘅關連，例如上一集嘅關古威，嚟到今集就變成咗玩家可以簽約嘅藝人[3]，而上一集嘅導演王瑞恩，今集就變成全球影業嘅負責人。另外，林立翔喺《明星志願3》嘅故仔一開始之前，就將自己想喺演藝界發展嘅林芬芬交俾男主角，而林芬芬之前亦喺上一集出現過[4]。
衍生作品 編輯
- 大宇資訊建基於《明星志願3》大宇資訊再推出咗以下嘅資料片：
- 2006年7月：《明星志願 3：星光圓舞曲》[5]
- 2006年12月：《明星志願 3：銀色幻想曲》[6]
- 2007年12月：《明星志願3：甜蜜樂章》[7]
參考 編輯
- ↑ 〈【PC】明星志願 3 - 巴哈姆特〉. 《巴哈姆特電玩資訊站》. 喺2020-10-31搵到.
- ↑ 引用錯誤 無效嘅
<ref>標籤；無文字提供畀叫做:0嘅參照 - ↑ 〈"养成游戏之死"_关古威〉. www.sohu.com (英文). 喺2020-11-01搵到.
- ↑ 〈明星志願 3 攻略百科：林芬芬 - 巴哈姆特〉. 《巴哈姆特電玩資訊站》. 喺2020-11-01搵到.
- ↑ 〈【PC】明星志願 3：星光圓舞曲 - 巴哈姆特〉. 《巴哈姆特電玩資訊站》. 喺2020-11-01搵到.
- ↑ 〈【PC】明星志願 3：銀色幻想曲 - 巴哈姆特〉. 《巴哈姆特電玩資訊站》. 喺2020-11-01搵到.
- ↑ 〈【PC】明星志願 3：甜蜜樂章 - 巴哈姆特〉. 《巴哈姆特電玩資訊站》. 喺2020-10-31搵到.
- ↑ 巴哈姆特. 〈《明星志願》改編網路劇曝光首版片花影片〉. 《巴哈姆特電玩資訊站》. 喺2020-10-31搵到.