朱載垕

朱載垕（1537年3月4號—1572年5月26號）係大明第十三任皇帝，1566年到1572年在位，跟廟號叫明穆宗，因為年號係隆慶，又叫隆慶皇帝。

朱載垕畫像

明穆宗係明世宗個仔。

明穆宗在位初期，用人不疑，文有徐階、高拱、張居正、楊博，武有譚綸、王崇古、戚繼光、李成梁。喺呢段時間，大明社會比較穩定，經濟比起嘉靖時期有咗較大嘅改觀，所以後世嘅史學家叫呢段時間做「隆慶新政」。

但係，由於佢縱情聲色，最後亦因為咁，而死於女色，終年36歲，謚號叫做契天隆道淵懿寬仁顯文光武純德弘孝莊皇帝。

穆宗過身之後，由佢個仔朱翊鈞繼位，就係明神宗。