時空穿梭

時空穿梭，又叫時空穿越、時空旅行、時間旅行，即係個人或樣嘢由一個時間去到另一個時間，可以而家去未來或者以前，有啲似一般嘅旅行，由一笪地方去遞度。時空穿梭喺現實一般被視為唔可能嘅，但至於係咪真係唔得就唔知喇，而且未有人成功穿越到時間。喺科幻片同小說呢樣嘢成日用到。時空穿梭嘅構想多數要用機器實現，而涉及到嘅機器就叫時光機，而經歷時空穿梭嘅人就叫時空旅人，皆因多數都係由未來嚟到當今，所以又叫未來人。

自稱未來人

有啲人自稱係由未來時空穿梭返嚟嘅人，經過社交媒體或者唔同渠道，預言未來會係點樣。由於大眾對未來嘅興趣，所以當呢啲預言出現嘅時候，往往會有唔少人嘅關注。不過，關於穿越時間或者時空旅人係咪真實存在，依家科學上並無根據。亦有啲人覺得，話自己係時空旅人嘅人，其實係喺度吹水，嘩眾取寵。