晉滅吳之戰，又叫王濬破吳，係三國時期最後尾嘅一場戰爭。
到咗三國後期，魏國皇帝經已冇乜權力，真正扼有實權嘅人係軍隊統領司馬昭。263年，司馬昭率領魏國軍隊吞滅蜀國，265年病死咗。佢嘅仔司馬炎接咗佢個位。就喺呢一年，司馬炎廢咗魏國皇帝，自立為晉國皇帝。279年，司馬炎發動滅吳戰爭，六路大軍進攻吳國，勢如破竹。280年3月25號，吳國皇帝歸命侯投降，吳國滅亡，晉國一統天下。
