晏冠沙絲蔑
晏冠·C·沙絲蔑（印尼文：Anggun Cipta Sasmi，1974年4月29號—）係一位印尼歌手，喺印尼爪哇省雅加達市出世。佢喺全球嘅歌星範圍入面，都幾出名下。佢重係成個亞洲入面，最成功嘅亞洲歌手。
| 晏冠沙絲蔑 | |
|---|---|
 晏冠沙絲蔑喺2012年6月13號嗰陣，法國巴黎市嘅里茨阿朗劇院入面開嘅演唱會。 | |
| 女歌手 | |
| 原名 | Anggun Cipta Sasmi |
| 國籍 |  印尼 |
| 出世 | 1974年4月29號 印尼爪哇省雅加達 |
| 職業 | 歌手 |
| 音樂類 | 印尼文流行音樂 英文流行音樂 法文流行音樂 |
| 活躍年代 | 1986年到依家 |
| 唱片公司 | SONY BMG |
| 網站 | www |
介紹
編輯呢位歌星喺印尼嘅首都雅加度出世，佢阿爸係個好出面嘅歌手，佢阿媽喺平時都係好鍾意唱歌，搞到佢喺7歲嗰陣（1981年）就上台表演唱歌，過咗兩年（1983年），佢就整咗第一張個人專輯出嚟，而佢嘅第一張個人專輯就係Dunia Aku Punya。不過佢好鍾意搖滾類嘅音樂，喺17歲嗰陣（1991年）就變咗成個亞洲入面，最有潛力嘅搖滾歌手。到咗佢19歲嗰陣（1993年），佢就想將自己嘅音樂發展到全球範圍入面，結果就去咗歐洲搵食。而佢嘅音樂係屬於沙啞入面嘅中低音，而歌曲嘅風格就係溝埋咗西方嘅開放音樂，重有東方嘅情感，有時重唔停咁出埋啲飛愫嘅嘢。
演藝界
編輯佢啱啱出嚟嗰陣重係個印尼嘅女歌手。佢喺印尼入面，唱咗出嗮名嘅Mimpi同Tua Tua Keladi呢兩首歌。到咗1997年，佢同SONY BMG簽咗合同，重出咗第一張法文嘅專輯，後嚟又整咗好幾張英文同法文嘅專輯，結果就喺歐美地區入面出咗名，挾埋佢喺之前嚮印尼嗰陣整咗嘅歌帶，呢條友已經成功出咗超過22000000張歌帶，如估挾埋單曲嘅銷售量，佢一共係成功出咗25000000張歌帶喇，佢重係亞洲人到歐美地區入面，發展得最好嘅手，重係第一位亞洲歌手寫咗入去美國佬出版嘅標博雜誌入面。
