書名號
舊時打橫排版嘅中文嘅書名號，喺字下低畫波浪線﹏；打棟排版嘅喺字左邊畫波浪線︴。後尾為咗方便排版，就多數改用排喺前後嘅尖括號《》及〈〉（橫排）同︽︾及︿﹀（直排）。
台灣官方叫波浪線式做甲式書名號，尖括號式做乙式書名號[1]。
直寫波浪線式書名號本來冇話擺喺左邊定係右邊，但係放右邊會同其他舊式放右標嘅標點撞位；久而久之，放右邊嘅做法就淘汰咗嘞。
波浪線式改
當一個緊接另一個，兩者之間要稍為斷開（例子：〈某書名・某篇名〉），不過有好多電子系統都難以做到呢點；處理呢個問題嘅節衷方法，係喺兩個名之間加入一個好窄嘅空格（例如： ，統一碼 U+200A）。
尖括號式改
大陸官方將每個兩劃嗰對叫做雙書名號，將每個一劃嗰對叫做單書名號[2]，呢個亦都係香港字典嘅叫法[3]:894–895[4]:436；喺所有用到書名號嘅情況，都會有前者，當某對書名號之中有另外一對書名號，入面嗰對就會係後者（例子：《教育部提请审议〈高等教育自学考试试行办法〉的报告》），系列著作嘅選題名，多數用引號（例子：“汉译世界学术名著丛书”）[5]。
台灣民間有時會將每個兩劃嗰對叫做書名號，將每個一劃嗰對叫做篇名號／章名號，不過官方只會用書名號（乙式）統稱兩者[6]，當要同時指出書名及篇名，就只會用前者一次，而喺入面加個間隔號（例如：《禮記・禮運》）[1]；其他語文及藝術作品嘅格式會決定各自要配上邊對符號。
睇埋改
參考改
- ↑ 1.0 1.1 〈書名號〉. 《重訂標點符號手冊》 (修訂版). 台灣教育部國語推行委員會. 2008. 喺2022年10月11號搵到.
- ↑ 〈中華人民共和國國家標準 標點符號用法〉 (PDF). 香港中文大學 自學中心. 喺2022年10月11號搵到.
- ↑ 何容, 編 (1985). 《新雅中文字典》. 新雅文化事業有限公司. ISBN 962-08-1188-7.
- ↑ 布裕民, 編 (1998). 《牛津中中文初階詞典》. 香港: 牛津大學出版社. ISBN 0-19-591153-9.
- ↑ 〈标点符号用法〉 (中华人民共和国国家标准 GB/T 15834-2011). 中华人民共和国国家质量监督检验检疫局; 中国国家标准化管理委员会. 喺2022年10月11號搵到.
- ↑ 陳依僑 (2013). 《寫好作文 : 中小學生50堂作文課》 (初版). 新北: 哈福企業. ISBN 978-986-5972-12-7. OCLC 890762613.
