曹熊係曹操同武宣卞皇后生嘅細仔，曹丕、曹彰同曹植嘅細佬，後生嗰陣就過身。黃初二年（221年）被追封諡號蕭懷公。太和三年（229年）嗰陣又被追封爵為王。
234年，佢個仔曹炳繼承曹熊嘅爵位，食邑二千五百戶。245年曹炳過身，諡號係哀王，由於曹炳冇仔，佢嘅封國被取消。
喺小說《三國演義》有出現，嘉靖壬午本記載字子威，一開始被封蕭懷侯，曹操過身之後，曹丕嬲佢唔嚟追思，曹熊畏罪就吊頸自殺，之後被曹丕追封蕭懷王。
