曾文欽隨機殺人事件
曾文欽隨機殺人事件，又稱湯姆熊割喉案，係發生喺2012年12月1號上午9時18分（UTC+8）嘅台灣臺南市隨機殺人事件。兇徒係曾文欽（1982年出生）。呢個案係台灣犯罪史上第二宗隨機殺人事件，發生之後震驚咗整個台灣社會，引起廣泛嘅討論同譁然。
事件經過
編輯上午8點左右，方姓男童同李姓男童一齊去臺南市南區金華路一段嘅湯姆熊歡樂世界台南金華店打電動，佢哋係同學[1]。
當日上午8時27分，曾文欽入咗湯姆熊歡樂世界台南金華店，一邊打電動，一邊留意店內情況。9時16分，曾嫌入咗店內廁所，觀察地形。佢短暫逗留咗大約20秒，之後即刻離開廁所，去店內大廳搵目標。曾文欽見到方姓男童同李姓男童喺店門口打電動，主動靠近同佢哋搭訕。曾嫌先同李童攀談，但李童無理佢，於是佢轉身用同樣口吻同李童旁邊嘅方姓男童攀談。方姓男童唔懷疑有他，跟住曾嫌走。
9時18分，曾嫌騙方姓男童入咗男廁所，然後掏出折疊刀，猛割咗方姓男童嘅喉嚨兩刀，男童嘅頸動脈斷裂，氣管都被割斷[2]。
9時20分，曾嫌冇慌冇忙獨自離開店，騎住輕型機車逃走[3]。
9時28分，清潔工進入男廁所準備清潔，發現方姓男童仰臥喺廁所隔間內，報警處理。
睇埋
編輯參考資料
編輯- ↑ 〈小5生遭割喉失業漢：想坐牢〉 (臺灣中文)。自由時報。2012-12-02。原先內容歸檔喺2012-12-04。喺2012-12-04搵到。
- ↑ 〈隨身攜瑞士刀 湯姆熊殺人魔疑拐騙男童進廁所割喉〉 (臺灣中文)。2012-12-01。原先內容歸檔喺2020-04-14。喺2012-12-04搵到。
- ↑ 行政院環境保護署。〈機車定期檢驗資訊管理系統-車籍資料〉。www.motorim.org.tw。原先內容歸檔喺2021-03-10。