月季

  提示：呢篇文講嘅唔係月桂。

月季（粵拼：jyut6 gwai3），花一種，係灌木，或係藤木，又寫月瑰、月瑰花。生物而言，歸薔薇科薔薇屬，拉丁學名Rosa chinensis。原產地於中國華中地區，而家喺全球好多國家地區都可以搵到。

How to read a taxobox 月季
物種分類
界 植物界 Plantae 門 被子植物門 Magnoliophyta 綱 雙子葉植物綱 Magnoliopsida （未分級） I类真蔷薇分支 eurosids I 目 薔薇目 Rosales 科 薔薇科 Rosaceae 亞科 薔薇亞科 Rosoideae 屬 薔薇屬 Rosa 亞屬 (Subgenus): 薔薇亞屬 Rosa Section: 月季組 R. sect. Chinenses 種 月季 R. chinensis
二元學名
Rosa chinensis (Jacq.)

英文稱之為monthly rose，月月玫瑰之意。皆因月季又叫月月紅、月月花。

形態

佢嘅枝葉都好光滑，冇毛，但有皮刺。花比較大，尤其係花瓣，一般都係闊而厚，而且開咗花之後連續10個月都唔會謝，花味都幾清香下；而開花都係以k＝5n（n∈Z⁺）嘅數量，而且雄蕊比較多，都生喺凹咗落去嘅花托嗰度；花色一般係紅、白、綠、黃、紫、灑金等色。而開花期係每年2~12月。

適應能力

呢種植物嘅適應能力都好犀利下，重可以淨化環境。

用途

呢種植物成日用嚟做公園、學校、名勝同醫院、機關嘅盆栽、甚至用嚟做佈置花壇、花帶、花徑、花籬、花牆同盆栽、插花材料。

藥用價值

月季嘅根、葉、花都可以做藥，有活血消腫、消炎解毒嘅功效。

分類

月季喺園藝嚟講可以分成9類：

• 中國月季
• 微型月季
• 十姊妹月季
• 多花月季
• 特大多花月季
• 單花月季
• 單花大型月季
• 藤木月季
• 樹形月季
• 野生月季

其中十姊妹品種最多，一樖可以開超過50朵花，而且四季都有花。而單花大型月季嘅花最大，每朵花嘅直徑有20cm，而且顏色比較靚兼花瓣比較大。呢兩種花都有好濃嘅香味。

文化

中國內地嘅市花

喺中國內地嘅天津、西安、大連、鄭州、威海、南昌、衡陽、常州、宜昌、焦作、商丘、平頂山等城市都攞咗佢做市花。

圖案

而家喺世界各個國家嘅銀仔、膊頭章、印章、徽章、旗幟、建築都可以搵到月季嘅圖案。

基督教花

基督教嗰邊曾經攞咗佢嘅花做教花。

花名歌謠

喺中國內地嘅古詩文化入面，宋朝詩人楊萬里寫嘅臘前月季就寫咗「只到花無十日紅，此花五日不春風。」嘅名句，話明月季嘅花期比較長。

玫瑰同月季嘅區分

玫瑰同月季經常俾人搞亂，因為植物嘅樣相類似。雖然係噉，兩者實情差別幾大。

PK項	玫瑰	月季
相
花樣	細	大
品種	單調	超多
葉	細葉7嚿 斑紋比較深兼冇光澤	大葉3~5嚿 斑紋比較淺兼有光澤
莖	比較多刺	冇乜刺
園藝	唔理佢喺古代定而家： 都係得單一品種	現代又一個品種 傳統又一個品種 古老又一個品種
植物學分類	植物界 Plantae > 被子植物門 Angiosperms > 單子葉植物綱 Liliopsida > 薔薇目 Rosales > 薔薇科 Rosaceae > 薔薇亞科 Rosoideae > 薔薇屬 Rosa	植物界 Plantae > 被子植物門 Angiosperms > 單子葉植物綱 Liliopsida > 薔薇目 Rosales > 薔薇科 Rosaceae > 薔薇亞科 Rosoideae > 薔薇屬 Rosa > 薔薇亞屬 Rosa > 月季組 R. sect. Chinenses > 月季 R. chinensis

月季同玫瑰之所以俾人成日搞亂，係因為佢哋兩個喺英文都喺嗌「rose」。大概係民國時期，好多文學翻譯都係講中國傳統品種嘅Rose嗌返月季，而西方嘅Rose翻譯成佢嘅所屬名——玫瑰。但喺園藝角度嚟講，現代月季同古老月季、傳統月季都係三個唔同品種，同玫瑰無關。

相

有關嘅書

• 中国少年儿童百科全书 自然·环境 第417——418页　浙江教育出版社 ISBN 7-5338-1946-2/G·1942

出面網頁

• 月季 中国数字植物标本馆
• 月季 Yueji 藥用植物圖像數據庫 (香港浸會大學中醫藥學院)（中文）（英文）
• 月季花 Yuejihua 中藥材圖像數據庫 (香港浸會大學中醫藥學院)
• 月季花 Yue Ji Hua 中藥標本數據庫 (香港浸會大學中醫藥學院)（繁體中文）（英文）
• 月季 爱养花
• 月季花的功效与作用 中华康网