朱祁鈺1428年9月21號1457年3月14號),係大明第七個皇帝,1449年到1457年在位,跟廟號明代宗,因為年號景泰,又叫景泰皇帝

朱祁鈺畫像

響宣德三年出世(1428年),朱祁鎮即位後封佢做郕王。

佢嘅皇位,係因為朱祁鎮土木堡之變被蒙古人俘虜而攞嚟嘅。而佢繼位之後,重用于謙,喺京師保衛戰打贏瓦剌,成功令大明政權轉危為機。

不過,朱祁鎮重返京師之後,朱祁鈺對佢好刻薄,唔單止將佢軟禁,重喺1452年另立皇儲,廢朱祁鎮個仔朱見深為沂王,改立自己同肅孝皇后所生嘅仔朱見濟為皇太子。不過喺1453年,朱見濟早死。

景泰八年(1457年)農曆正月十六日,朱祁鈺龍體違和,曹吉祥、石亨、徐有貞等人策劃復辟朱祁鎮,十七日清晨,佢哋發動奪門之變,率領武士攻入紫禁城奉天殿,朱祁鎮再次做番皇帝。

朱祁鈺俾朱祁鎮廢為郕王,軟禁喺西苑,個幾月後瓜老襯,享年三十歲。朱祁鎮恨佢,諡為戾王。

朱見深繼位後,上諡號恭仁康定景皇帝,朱由崧繼位後,上諡號「符天建道恭仁康定隆文布武顯德崇孝景皇帝」,廟號代宗。

出典 編輯

  • 《明史·本紀第十一》
  • 《明實錄·英宗睿皇帝實錄·廢帝郕戾王附錄》