朱諾號

朱諾號（Juno）係探測木星嘅太空探測機，2011年8月5號喺美國卡納維拉爾角空軍基地發射，飛咗五年27億公里，喺2016年7月5號到步，環繞木星軌道飛，收集木星成份、重力場、磁場、磁層、磁極嘅數據，重會映好多相。探測器上面嘅鏡頭、磁場計、重力探測器等九部儀器，將會探測木星內部結構、大氣成份等資料，可以幫手解開木星係咪有固體核心、大氣中有幾多水份、木星形成呢啲問題。

畫家筆下嘅朱諾號

木星嘅洋名 Jupiter 係來自羅馬神話嘅天神「朱庇特」，朱諾號取名自朱庇特嘅老婆，神話之中，朱庇特最鐘意搞亂擋、搞搞震，之後就會用雲霧遮住佢做嘅衰嘢，不過，佢老婆朱諾一眼就睇穿雲霧，知佢做乜衰嘢。