朱門怨 (1956年)

《朱門怨》係喺1956年嘅一部粵語片，由李鐵執導，張活游、紫羅蓮主演。

情節編輯

家道中落嘅楊家眾人關係亂七八糟：大少早逝；二少懦弱；三少好賭，又謀住婢女詠蘭；二少奶同表少有姦情，重搞大個肚。楊老爺年事已高，寄望出外讀書嘅四少返來重振家聲。

四少當家之後，見屋企人個個都自私自利，感到心灰意冷。點知又禍不單行，二叔帶埋律師嚟要賣屋分家；大少奶因為個仔突然病死，傷心之下決定出家；二少奶生咗之後，留低封信就走咗，二少睇唔開就自殺。

楊老爺終於諗通咗，而且俾四少離開屋企去追求自己夢想。