李兆基家族
歷史 編輯
李兆基老豆李介甫本身喺鄉下順德開金舖同銀號。六歲嗰時就跟著老豆做生意。後來中日戰爭，李仁甫長駐廣州灣做生意，將順德嘅金舖同銀號交俾佢打理。到1948年，李兆基就帶著1000蚊去咗香港做生意。
喺1958年，李兆基同其他7個商人合資咗「永業企業」。1963年，李兆基再同本身喺永業嘅兩個拍檔郭得勝同馮景禧組成新鴻基公司，喺香港大舉起樓，好多人都叫佢哋做「三劍俠」。後來三個人拆夥，李兆基創立咗「恆基兆業」。日後佢買咗好多公司去擴充佢嘅公司規模，例如煤氣公司、油麻地小輪等等。而直到今時今日，李兆基都重係新鴻基地產嘅副主席。
李兆基生嘅兩個仔李家傑同李家誠都好出名，李家誠娶咗當時喺無線電視做配角嘅徐子淇，徐子淇就被譽為「千億新婦」，呢單婚事喺當時社會上係一時佳話。大仔李家傑相比細佬就低調好多，而且佢冇咩誹聞。佢喺2011年去咗美國搵代母生咗三個仔，轟動香港，當時都有人質疑過佢有冇犯法，不過最後警方都冇告佢。
除咗李兆基一支之外，佢阿哥李兆麟都係做地產起家嘅。佢嘅兆安地產後來都成為上市公司，不過1986年就賣咗殼畀李明治嘅聯合系。佢嘅老婆佘少鴻係香港好出名嘅舖位投資者，人稱「兆安李太」。
上市公司 編輯
- 中華煤氣（港交所：0003）
- 恆基地產（港交所：0012）
- 香港小輪（港交所：0050）
- 美麗華酒店（港交所：0071）
- 恆基發展（港交所：0097）
- 陽光房地產基金（港交所：0435）
- 港華燃氣（港交所：1083）
由李兆基女婿鄭啟文持有：