李壽澈（이수철，1966年5月20號—2011年10月18號）係韓國K聯賽尚州尚武足球隊前主帥。
李壽澈喺2010年10月至2011年7月做尚武隊主教練。喺佢嘅執掌之下，呢隊有軍隊背景嘅足球隊唔單止喺球場上打唔出名氣，反而因為打假波做咗韓國足球界最為人不齒嘅足球隊。根據檢察官陳述，李壽澈唔單止逼球員打假波，重利用球員嘅前程向佢哋父母收取賄賂。打假波黑幕曝光之後，46個退役同現役嘅足球員畀檢察院起訴，而淨係尚武隊就有24個人。李壽澈本人畀人判咗兩年有期徒刑，緩刑三年。
2011年10月18號，李壽澈畀人發現佢喺屋企上吊自殺，終年45歲。警方認為，後悔參與賭波係佢自殺嘅主要原因。
