李忱（810年7月27號—859年9月7號），係大唐第十六位皇帝（唔計武則天），846年到859年在位，跟廟號叫唐宣宗。
李忱做皇帝之後，致力於改善中唐時代遺留落嚟嘅種種社會問題，對內貶謫李德裕，結束牛李黨爭；抑制宦官勢力過分膨脹；打擊犯法嘅權貴、外戚。佢做皇帝嗰陣時，勤儉治國，體恤百姓，減少賦稅，注重人才選拔，大唐國勢有所起色，百姓日漸富裕，令到本來已經十分衰敗嘅朝政呈現出「中興」嘅小康局面，史稱「大中之治」。
對外，李忱係咁擊敗吐蕃、回鶻、黨項、奚人，收復安史之亂後被吐蕃佔領嘅河西地區：「克復河湟，拓疆三千里外。告成宗廟，雪恥二百年間。」令到大唐重振聲威。
