李思廉

李思廉，SBS，JP（1957年—），廣東梅州人，香港建制陣營（商界親中派）政治人、生意人（富力地產老細）。

早年經歷

李思廉1957年喺香港出世，1970年代喺香港中文大學數學系畢業，之後佢做過證券交易同貿易。

1990年代，李思廉同張力一齊成立富力地產。

屋企人

阿女李嘉穎（Karen Li）喺2019年（香港修例風波嗰年）同廣州香江集團嘅太子爺劉根森（全國青聯委員）結婚，劉嘅父母係劉志強同翟美卿。劉志強係香港中華總商會會董；翟氏本身係全國政協香港委員（全國婦聯）。

公職

• 香港再出發大聯盟發起人

政治及選舉經歷

2020年中，身為全國工商聯常委嘅佢，曾經有份簽署一份全國工商聯嘅聲明，內容支持北京政府未經諮詢或香港市民同意而強行訂立，引起社會負評四起嘅《中華人民共和國香港特別行政區維護國家安全法》；喺2021年9月，佢成為香港特别行政區選舉委員會委員(有關全國性團體香港成員的代表)。2022年，佢喺李家超無提政綱嘅情況下，有份提名李家超參與2022年香港行政長官選舉。