李思蓓

李思蓓（英文：Zuki Lee，1977年9月26號—），原名李慧萍，喺1995年無綫電視藝員訓練班第八期藝員進修班畢業後加入無綫電視，同期嘅正式學員有雷穎怡、伍慧珊、羅貫峰、李天翔、劉永晉、盧卓南、孫恩明、盧慶輝同埋蓋世寶等，同班旁聽生有湯盈盈、姚瑩瑩、滕麗名、劉永健、關可維、孫大龍、李詠儀同埋張潔蓮等。

1998年同雷穎怡參與主持當屆世界盃而同被稱為「世界妹」，之後再同雷穎怡、汪曉文（後改名汪琳）、梁佩盈、翟佩雲、梁雪湄、任港秀、姚樂怡等組成電波少女（「愛心少女」前身，現已解散）。佢亦曾經簽過漢傳媒，參與多部TVB電視劇，又進軍電影圈。

2005年，李思蓓進軍商界，經營美容同按摩業務，係泰式按摩連鎖店泰殿嘅老闆。

2012年年初，低調簽約上海汪子琦工作室成為旗下藝人，轉往中國大陸發展。

喺2020年10月，李思蓓加入《大家真瘋Show》新頻道主持節目大家「真」瘋騷，逢星期一至五，早上10點至12點播出，其他主持人有梁思浩、苑瓊丹、李日朗。