李沛旭
李沛旭（Patrick Lee，1979年11月7號—），係台灣男演員、模特兒、主持人，喺台北市信義區出世。因為演出《犀利人妻》、《小資女孩向前衝》入面中、英文夾雜嘅獨特搞笑風格，得到唔少觀眾注意[1] 。而家喺凱渥經紀公司旗下。
個人經歷
編輯李沛旭喺15歲嗰陣因為盲腸炎要開刀，喺肚上面留下一大條疤痕，亦自此有咗「腸沾黏」嘅體質[2]。
2016年佢發病住院，7日內暴瘦咗10公斤，自此佢就踏上健身之路，仲時不時喺網上分享重訓方法以及飲食菜單[2]。
佢喺2020年由伊林跳槽去新經理人公司凱渥[3]。
感情生活
編輯佢曾經同蔡淑臻一齊8年，兩人喺合作《犀利人妻》而相識相戀[2]，喺2020年宣布分手[4]。喺2021年3月，台灣傳媒報道佢同細佢16歲嘅趙紫谷拍拖，女方仲喺社交網站自稱係李太[5]。
演出
編輯電視劇 / 網絡劇
編輯| 首播 | 頻道 | 劇名 | 飾演角色 |
| 2002 | 中視 | 《麻辣高校生》 | 石頭 |
| 衛視中文 | 《魔∞界》 | 林秀靖 | |
| 2003 | 衛視中文 | 《阿薩布路一號》 | 小炮 |
| 中視 | 《熟女慾望日記》 | ||
| 2005 | TVBS | 《八星報喜》 | 小安 |
| 東森 | 《好美麗診所》 | 周喜朗 | |
| 華視 | 《海豚愛上貓》 | 阿文 | |
| 2006 | 華視 | 《寶島少女成功記》 | 趙正焱 |
| 《戀愛女王》 | 賴國隆（客串） | ||
| 《愛上小男人》 | 皮耶 | ||
| 東森 | 《愛情機器》 | 小亨利（客串） | |
| 2007 | 大愛 | 《矽谷阿嬤》 | 林早陽 |
| 華視 | 《我要變成硬柿子》 | 孫立龍 | |
| 2008 | 華視 | 《這三個女人》 | 溫亦宏 |
| 三立 | 《命中注定我愛你》 | 古馳（客串） | |
| 2009 | 三立 | 《敗犬女王》 | 魏爾剛 |
| 大愛 | 《幸福的起點》 | 賴崇輝 | |
| 華視 | 《莒光園地- 男女蹺蹺板》 | 好友- 李東隆 | |
| 2010 | 三立 | 《犀利人妻》[2] | 郝康德 |
| 《鍾無艷》 | 林蓋世 | ||
| 大愛 | 《清秀家人》 | 林福建 | |
| 《綠地心芽》 | |||
| 《博士阿嬤》 | 黃正安（年輕時） | ||
| 長情劇展-人醫群俠傳系列《角落的溫柔》 | |||
| 2011 | 客家電視 | 《雲頂天很藍》 | 長官 |
| 台視 | 《小資女孩向前衝》 | 史特龍 | |
| 八大 | 《幸福萬靈丹》 | 傅哲倫 | |
| 台視 | 《前男友》 | 勞宇良 | |
| 公視 | 《歌謠風華》 | 白石 | |
| 2012 | 台視 | 《半熟戀人》 | 孟克偉 |
| 《向前走向愛走》 | 復健師 | ||
| 三立 | 《我們發財了》 | 程建廷Tim | |
| 新傳媒 | 《幸福料理》 | 高明駿 | |
| 2013 | 八大 | 《久戀不婚》 | 胡承廷 |
| 中視 | 《愛情急整室》 | 邵翔風 | |
| 大愛 | 長情劇展-人醫群俠傳系列《築夢的人》 | 謝金龍 | |
| Astro雙星 | 《幸福料理》 | 高明駿 | |
| 2014 | 大愛 | 長情劇展《指尖的溫暖》 | 余本隆 |
| 三立 | 《女人30情定水舞間》 | 艾德森 | |
| 《喜歡·一個人》 | 美食主編（客串） | ||
| 中視 | 《勇敢說出我愛你》 | 史大衛 | |
| 2015 | 民視 | 《星座愛情牡羊女》 | 張家明 |
| 三立都會 | 《莫非，這就是愛情》 | 傅先生（客串） | |
| 台視 | 《春梅》[6] | 中村公平 | |
| 2016 | 中視 | 《美好年代》 | 紐哥 |
| 華視 | 《海海人生》 | 魏歡 | |
| 芒果TV | 《終極遊俠》 | 劇雲 | |
| 優酷 | 《飛刀又見飛刀》 | 泰普 | |
| 騰訊視頻 | 《整容攻略》 | 軍哥（第10集） | |
| 《電競紀元》 | |||
| 2017 | 三立都會 | 《只為你停留》 | 喬楷騰 |
| 新傳媒 | 《天之驕子》[7] | 關得志 | |
| 2018 | KKTV | 《美男魚澡堂》 | 阿布 |
| 三立台灣 | 《炮仔聲 》 | 劉大為（客串） | |
| 2019 | 華視 | 《最佳利益》[8] | 汪正民 |
| 2021 | 公視、myVideo、Netflix | 《火神的眼淚》[9] | 孫正弘（客串） |
爭議
編輯被指同多名藝人衝突
編輯李沛旭曾經多次被指欺凌其他合作嘅藝人，當中包括新加坡嘅楊君偉、黃俊雄，同埋台灣嘅朱芯儀。另外，王仁甫亦曾經批評佢目中無人。
喺2011年，李沛旭同朱芯儀仲有其他藝人喺電視劇《犀利人妻》合作嗰陣，李沛旭被指聯同其他藝人一齊排擠朱芯儀。朱芯儀後來就曾經話，本來兩人就有過節，之後李沛旭喺一個電視劇宣傳活動表面讓座，但第二日就傳出佢擺款嘅負面新聞，覺得李沛旭當時有心跣佢一鑊[10][11][7]。
2015年，王仁甫接下《白日夢冒險王》嘅主持，而且邀請咗李沛旭一齊入組主持，但後嚟王仁甫就公開批評佢話佢目中無人，連基本對人嘅尊重都無[12]。王仁甫話自己曾經勸喻佢，喺呢個圈子越紅就要更謙虛，但點知換嚟對方一句『我不紅』。最後，李沛旭嘅位置就俾阿龐取代咗[13][14]。
喺2021年，黃俊雄喺新加坡電視節目《神秘嘉賓》嘅時候不點名話有一個台灣藝人欺凌佢，當時佢全程都被欺凌。黃俊雄話佢會做一啲唔專業嘅舉動，搞到佢分心，然後就好開心咁串佢話『你以為你是阿哥』，黃俊雄仲話對方講咗一啲唔尊重嘅說話，最後令佢忍無可忍大發脾氣，淚灑片場，一度驚動監製出面調解。後來媒體矛頭直指李沛旭[15][7]。李沛旭就諷刺佢，恭喜黃俊雄『紅了一點』。後嚟媒體再追查，發現楊君偉亦曾經喺訪問佢拍攝電影《我們都不完美》嘅時候傳出不愉快事件。楊君偉再接受訪問嘅時候，承認事件，話李沛旭當時喝斥佢，而楊君偉做咗咁多年主持未試過俾其他人噉對待[16]。
人身攻擊網民
編輯2022年6月尾，佢影完證件相，之後將證件相嘅過程放到社交媒體分享。有網民誤以為李沛旭喺影相過程入面露齒笑，善意留言提醒佢要避免露齒，結果就被佢鬧智障[17]。
參考
編輯- ↑ 〈最強綠葉翻黑 李沛旭絕地反派超吸睛〉 (臺灣中文)。NOWnews。2014-09-25。原著喺2017-04-12歸檔。
- ↑ 2.0 2.1 2.2 2.3 台灣達人秀TTshow、台灣達人秀TTshow。〈懶人包｜李沛旭 事件總整理｜TTshow 台灣達人秀〉。《台灣達人秀TTshow》 (臺灣中文)。喺2021-04-12搵到。
- ↑ ETtoday新聞雲。〈男星爆被「台藝人」霸凌落淚 3線索指李沛旭…凱渥回應了 | ETtoday星光雲 | ETtoday新聞雲〉。star.ettoday.net (繁體中文)。喺2021-04-12搵到。
- ↑ 〈蔡淑臻與李沛旭8年情斷 賣掉愛巢：一個好的結束〉。《鏡週刊 Mirror Media》 (繁體中文)。2020-03-13。喺2021-04-12搵到。
- ↑ 〈李沛旭好事近了？小16歲女友甜曝「李太太」身份 經紀公司回應了〉。www.ctwant.com (中文)。喺2021-04-12搵到。
- ↑ 中時新聞網。〈《春梅》播畢 李沛旭「中村公平」下台一鞠躬 - 娛樂〉。《中時新聞網》 (中文)。喺2021-04-12搵到。
- ↑ 7.0 7.1 7.2 罗瑱玲, 文 /。〈黄俊雄称遭霸凌事件 网民大爆李沛旭霸凌耍大牌有前科 | 早报〉。www.zaobao.com.sg (英文)。喺2021-04-12搵到。
- ↑ 《《最佳利益》超精彩的辯論談判！李沛旭啞口無言 - EP03 精彩片段｜KKTV 線上看》 (英文)，喺2021-04-12搵到
- ↑ 〈《火神的眼淚》金獎卡司大集合 馬力歐自稱「龍套之王」〉。《明潮》。原著喺2021-04-12歸檔。喺2021-04-12搵到。
- ↑ 〈被隋棠耍心機排擠！ 朱芯儀首度上火線痛訴真相〉。《東森新聞》 (繁體中文)。喺2021-04-12搵到。
- ↑ 快點TV。〈【影】隋棠遭爆「假面甜心」！聯合《犀利人妻》演員排擠朱芯儀〉。gotv.ctitv.com.tw (臺灣中文)。原著喺2021-04-12歸檔。喺2021-04-12搵到。
- ↑ 〈就是不和好！演藝圈十大撕破臉事件 他直接包辦三名次！〉。《JUKSY 街星》 (臺灣中文)。2017-09-15。喺2021-04-12搵到。
- ↑ 罗瑱玲, 文 /。〈黄俊雄称遭霸凌事件 网民大爆李沛旭霸凌耍大牌有前科 | 早报〉。www.zaobao.com.sg (英文)。喺2021-04-12搵到。
- ↑ ETtoday新聞雲。〈王仁甫看走眼挑錯主持搭檔 怒譙李沛旭：目中無人 | ETtoday星光雲 | ETtoday新聞雲〉。star.ettoday.net (繁體中文)。喺2021-04-12搵到。
- ↑ 王英敏, 文 / 蔡欣盈。〈被李沛旭呛"恭喜你红了一点" 黄俊雄：一切随风而去 | 早报〉。www.zaobao.com.sg (英文)。喺2021-04-12搵到。
- ↑ 〈黄俊雄遭霸凌延烧 杨君伟：被李沛旭吼"滚出去！"|中國報〉。《中國報 China Press》 (美國英文)。2021-04-12。喺2021-04-12搵到。
- ↑ TVBS。〈他怎了？網友提醒證件照勿露齒 李沛旭回留言嗆「智X」│TVBS新聞網〉。TVBS (臺灣中文)。喺2022-06-28搵到。
出面網頁
編輯- 李沛旭PatrickLee嘅新浪微博
- 李沛旭Patrick嘅facebook頁
- 李沛旭喺互聯網電影資料庫嘅資料（英文）
- 李沛旭喺香港影庫嘅資料（香港繁體）
- 李沛旭喺時光網嘅資料（大陸簡體）
- 李沛旭喺豆瓣電影嘅資料
（簡體中文） - 李沛旭嘅Instagram頁
