李漢港楷Lee Hon Kong Kai)係隻手寫楷書字體,用喺香港八十年代招牌之上,出自寫字佬李漢。招牌佬李威以前幫襯李漢,搵佢寫字。李漢臨退休之前,送咗好多手稿畀李威。家下李威個仔李健明決意將手稿數碼化成為電腦字體,同埋製作有關嘅產品。

李漢港楷
李漢字招牌
李漢字招牌

李漢港楷除咗指字體出自李漢嘅港式楷書,亦係「你看港街」嘅諧音,即係「你睇下香港嘅街」噉解,睇下香港嘅街,就會見到李漢嘅招牌字。比起香港之前成日見嘅「北魏體」字型,李漢港楷就「行氣同勁度或稍有不及」,筆劃比較顯眼,勾得好生動,好似一個「熟口熟面嘅街坊」。

李漢港楷嘅字唔同部份黐埋,等安裝招牌嗰陣時,字唔同嘅部份會冇咁易分開,做起上嚟方便啲,亦減少出錯機會。

李健明自2016年開始已經將字體手稿轉化做電腦字,2020年7月佢搞咗個「李漢港楷字體眾籌計劃」,目標係要籌到至少七十萬港紙去整模版字。如果眾籌達標嘅話,每位肯捐至少950蚊港紙嘅支持者都可以攞到字體嘅永久通用授權證。到8月中,眾籌已經達標。

編輯

編輯