李臻

李臻（英文：Oscar Lee，1971年11月17號—），香港資深新聞從業員。

早年生涯

李臻出身於拔萃男書院，喺香港大學環境科學系畢業後加入有線新聞做主播，之後分別喺無綫電視同Now TV工作，期間佢繼續深造，先後完成咗三個碩士課程，包括香港大學MPA公共行政學系碩士、英國華威大學MA國際關係文學碩士同埋香港科技大學MBA工商管理學碩士。

爭議事件

喺2020年12月有線解僱新聞部員工風波入面，有線新聞被指炒人係政治決定，針對一啲會跟進敏感中港政治議題嘅員工。李臻被指係有線新聞作出政治決定裁員嘅操刀手，而且風波之後李臻被指合作溫和採訪特首林鄭月娥，溫和到連林鄭月娥都不屑。另外，喺社交媒體之上，亦有好多人去到佢嘅Facebook不停炮轟。