東尋坊

東尋坊，日本天然名勝，喺福井縣坂井市，其下三國町安島，對住日本海，崖岸不絕，屈屈折折。崖均高三十米，綿延一千米。其質安山岩為主，海蝕之故，五角六角柱，峭壁成屏。地方受保護，歸入越前加賀海岸國定公園。

中間三段岩

東尋坊喺左邊岸

奇岩怪石，傳說充斥怨恨，日本文學都會提及，拍戲常到取景，以其有窮圖末路之感。因而亦為日本人自殺勝地，故此處處有勸導告示版，並特設電話亭，直駁熱綫電話，以祈勸人回頭是岸。

傳說東尋坊之名，取名自平安時代，平泉寺一惡僧。佢同寺中另一僧人真柄覺念，都中意同一個女子。真柄覺念聯同其他僧人，誘醉咗嘅東尋坊去到此崖，推咗佢落海。或因怨念起，突天色驟變，狂風巨浪，真柄覺念都捲入海中。