開主選單

東山 (廣州地名)

(由東山口跳轉過來)

東山粵拼dung1 saan1)係廣州一個地方,因位處廣州舊城外東邊而且地貌以丘陵為主而得名。「東山」二字最早俾當地一間寺廟永泰禪寺使用。而今所講嘅東山主要包括龜崗東湖新河浦一帶,附近有東山湖公園東山百貨大樓、東山巴士總站、東山電車總站同東山口地鐵站中共廣東省委廣州軍區好多部門喺處辦公,仲有宿舍。

東山口係指署前路中山一路、中山二路、農林下路東華北路五條路交匯嘅路口,舊時係廣九鐵路同署前路嘅平交道口。1990年代,鐵路拆咗之後,開闢成東華北路,及而家中山一路西往東嘅行車線。

中華人民共和國治下,廣州曾經設立東山區,涵蓋東山及廣州城東部其它地方,喺2005年同越秀區合併。

座標: 23°07′26″N 113°17′24″E / 23.124°N 113.29°E / 23.124; 113.29