東山聖五傷方濟各堂

  提示：呢篇文講嘅唔係基督教東山堂。

 東山聖五傷方濟各堂（粵拼：dung1 saan1 sing3 ng5 soeng1 fong1 zai3 gok3 tong4） ，又嗌東山天主堂dung1 saan1 tin1 zyu2 tong4或天主教東山堂tin1 zyu2 gaau3 dung1 saan1 tong4，係中國廣東廣州嘅一間天主教堂，喺1910年起好，位置喺越秀區東山洋樓範圍嘅新河浦路山河後街26號。

東山聖五傷方濟各堂

史

自從天主教喺大清鴉片戰爭開戰前夕入咗中國之後，一直未搞呢間教堂。直到1907年，由於東山一帶有卅幾位教友信奉天主教，加上嗰時東山地區冇教堂而到石室參拜。由於嗰時新河浦重係個鄉下地方，加上未有公共交通工具，令好多教友強烈要求喺新河浦一帶搞教堂。石室方考慮到噉嘅民眾願望，決定同教友一齊出錢，喺東山新河浦一帶起教堂，最後喺1910年起好。初期嗌花地瑪聖母堂。

1910～1949年間，天主教廣州教區先後派咗朱珊泉、劉萌鋆、程時雍、馬良等神父主持呢間教堂嘅教務。第二次國共內戰之後，房產交咗畀廣州市房管局睇實，但文革時期受到破四舊浪潮影響，宗教活動被迫停頓。

直到2006年，天主教廣州教區收返呢度嘅房產，鑒於房屋年久失修，政府喺2011年出咗50幾萬，教會出咗100幾萬，再由教區委派彭增僅神父做主任司鐸，主持堂務同埋該堂大修工作。2012年4月15號，東山堂正式復堂。

風格

佢係間仿哥特式建築，有尖塔鐘樓、尖拱頂門、尖拱頂花窗、裝飾線、磚砌十字拱等哥特式建築特色。成間嘢既似耶穌十字架，又似南十字座嘅星座噉。

連出去

• 天主教东山堂 广州市民族宗教事务局
• 东山方济各·亚西西堂复堂庆典 天主教广州教区