東干文

東干文（Хуэйзў йүян、回族語言），又叫東干話、俄羅斯回回話、中亞回回話，係東干族用嘅語言，中國西北地區嘅漢語中原官話同蘭銀官話喺中國境外嘅特殊變體，主要融會咗俄文詞彙，亦融會阿拉伯文、波斯文同埋突厥文部分詞彙，後來由於同中文嘅交流增加，亦吸收咗唔少普通話詞彙。其中又可細分為甘肅方言同埋陝西方言變體。書面語以甘肅方言為基礎，另外喺20世紀初，出現咗大批東干文文學作品，亦都成為今日東干文嘅文法規範。

伊塊位於吉爾吉斯米糧川鄉嘅東干文招牌（上）寫著「Совет лянбонди йиншун Мансузы Ванахунди музей фонзы」，用漢字轉寫就係「Совет聯邦的英雄曼素子·王阿訇的музей房子」。除咗「Совет」（蘇維埃）同「музей」（博物館）係俄文詞之外，其他都係漢文詞。

如果一個陝西人遇到東干人，佢哋可以輕易溝通，從中反映兩種語言嘅相似性。