東平東鳳路

東平東鳳路（粵拼：dung1 ping4 dung1 fung6 lou6）係中國廣東省廣州市嘅一條一般馬路，喺白雲區嘅東平嗰邊，成條馬路係東西走向。西邊從東鳳西路宋屋街嗰邊開始，一直向東去到東坑街嗰頭。呢條馬路分開咗東、西2條。

东平东凤路 DONGPING DONGFENG LU

東平東鳳東路（白雲大道北路口附近）

性質： 一般馬路 全長： 1.77公里 行車線： 雙向2車道 地區： 廣州市白雲區 起點： 東鳳西路宋屋街 終點： 東坑街 主要建築： 廣州市園林科學研究所東平基地 創豐汽車駕駛員培訓公司 廣州明朗皮具有限公司 東鳳花園 東達百貨

概要

全長1770米，闊8——11米，雙向2車道。

東平東鳳路嘅兩條道路，起點到終點

• 東平東鳳西路：從東鳳西路宋屋街嗰邊開始，一直去到東平中路同東平北路嘅交界嗰頭。
• 東平東鳳東路：從東平中路同東平北路嘅交界開始，一直去到東坑街嗰頭。

史

其實呢條馬路以前係冇名嘅，而「東鳳路」嘅名係喺2002年嗰陣，廣州市政府要求換新嘅路牌嗰陣先至改咗上去嘅。到咗2005年，由於廣州嗰度同一個區搞出咗至少2條馬路嘅重名問題，所以條馬路改咗名做「東平東鳳路」重一直到而家。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 東鳳西路宋屋街
• 東平北路官中巷
• 集賢北西街
• 東平中路、東平北路
• 東鳳街、東平種興南街
• 白雲大道北
• 東坑街

特色

而家呢條馬路兩邊都係鄉下嘅城中村地區，加上附近重有唔少嘅貨運場同工廠響度。