東普魯士

東普魯士（德文：Ostpreußen；立陶宛文：Rytų Prūsija或Rytprūsiai；波蘭文：Prusy Wschodnie；俄文：Восточная Пруссия）係舊時普魯士王國同後來德意志帝國一個省，位於普魯士公國嘅領地上。東普魯士包含古普魯士人喺波羅的海嘅領地。喺歷史上被普遍認為係德國軍國主義勢力嘅支柱—容克貴族嘅發源地。

東普魯士（1878年）

一戰之後，雖然西普魯士大部份都割咗畀波蘭，但東普魯士無乜受影響，繼續屬德國，不過就同德國本土畀波蘭走廊隔開咗，變咗做飛地。二戰之後，東普魯士就畀蘇聯（包括立陶宛）同波蘭瓜分晒，當中首府哥尼斯堡畀蘇聯改名叫加里寧格勒，境內嘅德意志人大多被驅逐。到今時今日，東普魯士嘅北面範圍，分別係屬於立陶宛嘅默麥爾地區（克萊佩達），同埋俄羅斯嘅加里寧格勒州（舊名哥尼斯堡）。而南部大部份地區就被歸入波蘭嘅華爾米亞-馬祖里省。