東盎格利亞

東盎格利亞(英文：East Anglia)係東英格蘭嘅一部分，大致包括劍橋郡、羅福郡、沙福郡。「東盎格利亞」呢個名出自盎格魯族，呢族人來自薩克森，亦即「英格蘭人」嘅祖先。

東盎格利亞旗

東盎格利亞喺英格蘭嘅位置。深紅色係羅福、沙福；淺紅色係劍橋郡

地理

東盎格利亞嘅界線唔係定得好死，因為呢個名唔係常用嘅政治區劃。一般嚟講，東盎格利亞大致指劍橋郡、羅福郡、同埋沙福郡，包括劍橋郡入面行政獨立嘅彼得堡市。

呢度大部分地方都係平原，好少山，適合農耕、畜牧，盛産牛肉同各類新鮮蔬菜。北面臨海地區原本全部都係泥炭地，十七世紀開始排水造地。