東莞（粵拼：dung1 gun2），亦寫做東筦，喺中國廣東，家下係地級市，叫東莞市。東莞原本係縣來，叫東莞縣。
東莞南有黃嶺，東南有寶山[1]。
東莞西南係海，而珠江入海口，叫珠江口，呢度亦都有個虎門，又叫虎頭門[1]。
東江由博羅入東莞，聯埋瀝林水、九江水，再向西過黃家山，南便又分開，一條出涌水，另又一條入珠江，全部流入海[1]。
秦朝去到東漢初年，東莞一帶屬南海郡番禺縣。到東漢順帝嗰陣，改屬南海郡增城縣。東晉咸和六年（331年），屬東官郡寶安縣；唐朝至德二年（757年）改叫東莞縣，俾廣州管，之後就一直都有東莞縣。
大清時東莞屬廣州府，縣丞一位駐響石龍鎮。另有三巡司，分別係京山、缺口、中堂。有鐵岡驛。廣九鐵路行過呢度[1]。
清時東莞有五個炮台，叫威遠、上橫檔、下橫檔、大角、沙角[1]。
2016年起，東莞成為第三批國家新型城鎮化綜合試點之一。[2]
2016年起，東莞軌道交通正式開通，令東莞成為廣東省第四個營運軌道嘅城市[3]。
