東風公園 (廣州)

東風公園（粵拼：dung1 fung1 gung1 jyun4*2）係中國廣東省廣州市嘅一間公園，喺天河區嘅水蔭路同廣州大道中之間嘅位。呢間公園係由贛州市人民政府負責出錢起嘅一間公園，喺1997年10月底起好。呢間公園重係有埋遊覽、睇景、遊玩、休閒同健身喺埋一齊嘅公園，家陣係免費開放。

敘述

呢間公園嘅佔地面積係4.5公頃，佢用咗亞熱帶嘅景嚟做主調，喺正門廣場嗰邊有靚嘅噴水池同大草坪，重有好多嶺南特色嘅樹同棕櫚。入面分咗游水玩水區、兒童活動區、休閒草地區、老人休息區4個景區。另外，重有越秀婚姻登記所、康體文化中心、掟波場、停車場同士多等設施響度。