林護堂 (廣州)

林護堂（粵拼：lam4 wu6 tong4，英文：American Presbyterian Mission），係原廣州柔濟醫院僅存嘅院舍建築，民國廿六年（1937年）起好，喺宜家西關多寶路廣醫三院入邊。落成陣係做新病房樓，皆因係林護紀念基金有限公司鉅款資助工程，故命名林護堂紀念，時廣州市市長孫科先生同林護堂題匾掛去樓南外牆二樓正中，奠基石就係由原國民黨中央常委、外交部長王寵惠先生寫字。

文革期間牌匾畀紅衛兵破壞、基石畀紅衞兵冚著、堂名畀除去。改開後同林公子植宜聯絡返修返好牌匾同基石，1988年3月復名，不過原先屋頂嘅十字架冇裝返。維修外科樓林護堂陣，得到林護紀念基金會資助24萬咸龍。