廣州醫科大學附屬第三醫院

(由柔濟醫院跳轉過嚟)

 廣州醫科大學附屬第三醫院粵拼gwong2 zau1 ji1 fo1 daai6 hok6 fu6 suk6 dai6 saam1 ji1 jyun2 (簡稱廣醫三院gwong2 ji1 saam1 jyun2),之前嗌過廣州市第二人民醫院gwong2 zau1 si5 dai6 ji3 jan4 man4 ji1 jyun2(廣州街坊簡稱市二醫院si5 ji6 ji1 jyun2),係中國廣東廣州嘅一間三甲醫院,喺1899年12月12號成立,位置喺荔灣區多寶路63號(荔枝灣涌東北邊隔籬)。

喺荔枝灣涌嘅西培初中部後邊望過去廣醫三院嘅住院樓嗰邊

編輯

醫院喺1899年12月12號成立,最初係美國基督教長老會辦嘅廣東女醫學堂屬下嘅贈醫所。醫院成立1週年之後,女醫學堂脫離贈醫所而獨立。而贈醫所喺1902年4月23號改名做「柔濟醫院」,直到1930年改成由華人自己嚟辦嘅醫院。中華人民共和國成立之後無耐,嗰時規定唔畀有私人機構,喺1954年2月1號俾廣州市人民政府接辦而改名做「廣州市第二人民醫院」。1998年重喺婦產科嘅基礎上,成立咗廣州市婦產科研究所。2006年5月22號轉畀廣州醫學院管理,從而改名做「廣州醫學院第三附屬醫院」;2013年6月18號,由於廣州醫學院改名做「廣州醫科大學」,醫院亦改名做「廣州醫科大學附屬第三醫院」。

出面網頁 編輯