柳龍拳

柳龍拳係一個武術師父，氣功師，「大東塾武道」總裁，日本人，創立大東流合氣道，重廣發英雄帖公開挑戰各方武林高手，喺網站宣稱就算柔術不敗高手格雷斯都唔夠佢自創嘅合氣道打，結果喺互聯網上受到廣泛討論。最後喺日本「偵探檔案」網站編輯長山木陽介安排之下，柳龍拳同混合格鬥家岩倉豪打咗場比賽，柳龍拳好似細路咁畀人打到無得還手，影片後來喺網絡上廣泛流傳，重成為好多網誌、討論區嘅話題。