格連

莫里斯格連（Maurice Greene，1974年 7月23號—），係美國嘅退役短跑田徑運動員。佢曾經係100米跑世界紀錄保持者，時間係 9 秒 79。

生平編輯

格連喺堪薩斯州嘅堪薩斯城出世，响FL Schlagle 高校訓練出嚟。佢喺學校本來係玩開美式足球嘅。後嚟接觸咗跑步，就漸漸鍾意咗佢嗱。

佢第一次參加國際大賽係喺1995年响瑞典嘅哥德堡舉行嘅世界田徑錦標賽，不過佢當日冇盡全力，所以佢入唔到100米跑8強。响亞特蘭大舉行嘅1996年夏季奧林匹克運動會佢冇資格代表美國參賽。

1999年响雅典舉行嘅世界田徑錦標賽，格連攞咗100米跑冠軍。佢喺200米跑一樣掂，攞咗200米跑冠軍，佢嘅強項就係100米跑。佢成功咁响2000年悉尼奧運攞咗佢第1個奧運金牌。由於佢受到傷患困擾，所以响200米跑冇代表美國出賽。

1999年佢刷新咗100米跑嘅世界紀錄9秒79（+0.1 m/s wind），超越咗庇利保持嘅世界紀錄9秒84（+0.7 m/s wind），由於超風速嘅關係，所以電子計時上所顯示呢個結果就冇被大會承認為世界紀錄。格連又破咗庇利保持嘅室內50米跑世界紀錄；但係呢個世界紀錄而家重承認嘅。佢又兩次破咗室內嘅60米跑世界紀錄。佢响室內嘅60米跑嘅紀錄係6秒39。兩個紀錄仍然保持。

2002年，格連嘅100米世界紀錄被美國隊友添蒙哥馬利破咗紀錄，蒙哥馬利快格連0.01秒。跑出嘅時間係9秒78（+2.0 m/s），蒙哥馬利之後被驗出服用禁藥，所以被取消資格冇得參賽。鮑維喺2005年又破咗蒙哥馬利所保持嘅100米跑紀錄；時間係9秒77（+1.6 m/s wind）。

2004年夏季奧林匹克運動會，格連喺100米跑只得到第3名攞咗面銅牌。同埋4x100米接力為美國隊得到面銀牌，比英國隊慢0.01秒。

佢响2007年退役。

[1] ^[1]