格陵蘭自殺問題

自殺喺格陵蘭係一個重大嘅社會問題；根據政府統計，響格陵蘭每5個人（有尐研究指出係每4個人）就有1個人有自殺念頭。因為噉，格陵蘭政府推出咗好多政策，務求降低格陵蘭人嘅自殺率。

史

格陵蘭嘅自殺率響1970年代開始上升，並一直去到1986年先停止上升。響1970年，格陵蘭嘅自殺率達到最低點。但係去到1986年，自殺成為格陵蘭多數城鎮嘅主要死因。而去到1990年代，格陵蘭每十萬人有107個人自殺，成為世界上自殺率最高嘅地方。。政府統計報告指出，格陵蘭每個星期至少會有一個人自殺，不過格陵蘭嘅人口只係有五萬幾人。

發生率

精神醫學期刊《BMC 精神醫學》響2009年嘅研究報告指出從1968年去到2002年嘅35年入面，格陵蘭總共有1351單自殺案，唔同月份嘅自殺率都唔不同。格陵蘭嘅自殺率響6月最高，響冬天最低。而且喺格陵蘭北部靠近北極圈嘅地區，夏天同冬天自殺率嘅差異都比格陵蘭南部大，唔同地區嘅自殺率都有所差異。根據2009年《每日科學雜誌》發表嘅一篇報告，噉係因為格陵蘭大部分位於北極圈以北，因此夏天一天嘅日光時數有時會達到24個鐘，造成失眠，增加自殺嘅機率。

響格陵蘭，男性嘅自殺率比女性高，而嘗試自殺嘅人大部分都係15到24歲嘅青年男子。同其他西方國家唔不同，格陵蘭嘅自殺率唔會因為年紀而增加。

原因

格陵蘭人自殺率咁高，主要原因包括酗酒、沮喪、貧窮、不滿婚姻關係等等嘅原因，而格陵蘭傳統文化同現代西方文化嘅文化衝擊亦都被認為係自殺嘅其中一個原因。

常見嘅自殺方法

格陵蘭人自殺最常用嘅方法係吊頸同槍殺，而跳樓同藥物過量等等都好常見。